تنسيقية برزة البلد - الثورة السورية في مدينة دمشق

بعد اعتقال 22 يوم .. اتصلو وخبروه يجي يستلم جثة ابنو ..

راح عالمشفى ..

الحارس يلي واقف عالباب سألو .. كيف أعصابك .؟! ... قلو "الحمد لله " اختصر كتير وجع وحرقة وقهر بكلمتين..

بس من جوا عم يتمنى يقطع لسانو للغبي يلي عم يسأل هيك سؤال لواحد جاي ياخد جثة ابنو ..

بكل الأحوال .. قلو فوت ابنك بالبراد رقم 37 .. فات وفتح البراد

لقا 3 جثث مصفوفة فوق بعضها ..

كان لازم يشوف وجهم واحد واحد ليعرف ابنو .. وما عرفو!

بس مكتوب اسمو عالكيس .. يعني أكيد هو .. حملو بايديه.. كان كتير خفيف وزنو أقل من ثلاثين كيلو !!

وأخدو عالمقبرة .. بالطريق صار يتذكر جاره .. أخدولو ابنووعذبوه ودفنوه بمقبرة جماعية بدون ما يشوفو ..

هون حس بالنعمة .. تدفن ابنك وتعرف وين دفنتو ..

بســوريا هي نعمة كبيرة !!!